My Kokan News 24

  सहज सेवा फाउंडेशन व सहज महिला फाउंडेशनचा अनोखा सामाजिक उपक्रम खालापूर कर्जत /सुधीर देशमुख :- दिनांक ८ मार्च २०२५ रोजी जागतिक महिला दिनाच्या निमित्ताने सहज सेवा फाउंडेशन व सहज महिला फाउंडेशन यांच्या वतीने “कन्या रत्न सन्मान” हा सामाजिक उपक्रम सुरू करण्यात आला होता. समाजात कन्या जन्माचा सन्मान व्हावा, स्त्रीशक्तीचा गौरव व्हावा आणि सकारात्मक सामाजिक संदेश पोहोचावा, या उद्देशाने हा उपक्रम सातत्याने राबविण्यात येत आहे. या उपक्रमाच्या माध्यमातून गेल्या वर्षभरात १०३ मातांचा सन्मान करून कन्या जन्माचा आनंद समाजासमोर साजरा करण्यात आला आहे. या उपक्रमाच्या वर्धापन दिनानिमित्त या कार्यात मोलाचे सहकार्य करणाऱ्या सौ. कमल पाटील, खोपोली नगरपरिषदेचे मुख्याधिकारी डॉ. पंकज पाटील तसेच श्री कलेक्शन, खोपोली यांचा विशेष सन्मान करून त्यांचे मनःपूर्वक आभार मानण्यात आले. याच वर्धापन दिनानिमित्त “मायेची चिट्ठी – आशीर्वाद पत्र” या नवीन उपक्रमाचा शुभारंभ करण्यात आला. खालापूर नगरपरिषदेच्या पहिल्या नगराध्यक्षा तसेच सहज सेवा फाउंडेशन व सहज महिला फाउंडेशनच्या मार्गदर्शिका शिवानी जंगम यांच्या हस्ते या उपक्रमाची सु...

    खोपोली /सुधीर माने :- आंतरराष्ट्रीय जागतिक महिला दिन निमित्त इनरव्हील क्लब खोपोली तर्फे “सारी वॉकेथॉन” हा उपक्रम उत्साहात आयोजित करण्यात आला. हा कार्यक्रम परमपूज्य गगनगिरी महाराज आश्रम येथे पार पडला. या उपक्रमात सुमारे ३५ महिलांनी सहभाग घेतला. सर्व महिलांनी विविध प्रकारच्या आकर्षक साड्या परिधान करून उत्साहाने साडी वॉकेथॉनमध्ये भाग घेतला. या कार्यक्रमामागील मुख्य उद्देश महिला सक्षमीकरण आणि आरोग्याबाबत जागरूकता निर्माण करणे हा होता. कार्यक्रमात सहभागी झालेल्या सर्व महिलांचा महिला दिनानिमित्त आश्रमातर्फे शाल देऊन सत्कार करण्यात आला. त्यानंतर अत्यंत गरजू अशा १० विधवा महिलांचा विशेष सन्मान करण्यात आला. या महिला धुणी-भांडी करणे तसेच भाजीपाला विक्री करून स्वतःचा व कुटुंबाचा उदरनिर्वाह करतात. त्यांचा सत्कार माजी नगराध्यक्ष सुनील पाटील यांच्या हस्ते करण्यात आला. यावेळी प्रत्येक महिलेला साडी, रोख १० हजार रुपये तसेच क्लबतर्फे सव्वादोन किलो साखर देण्यात आली. यामधील साडी आणि रोख रक्कम आश्रमातर्फे इनरव्हीलच्या माजी अध्यक्षा रुबी मॅडम यांनी प्रायोजित केली. या कार्यक्रमासाठी गगनगिरी आश्र...

  खोपोली /प्रविण कोल्हे : - जागतिक महिला दिनाचे औचित्य साधत खोपोली पोलीस स्टेशनच्या वतीने शहरातील विविध क्षेत्रात उल्लेखनीय कामगिरी करणाऱ्या महिलांचा अभूतपूर्व सन्मान करण्यात आला. नगरपरिषदेच्या नगरसेविका, डॉक्टर्स, परिचारिका, सामाजिक कार्यकर्त्या, महिला पोलीस कर्मचारी, महिला सफाई कामगार, महिला खेळाडू तसेच आदिवासी महिला भाजीविक्रेत्या अशा विविध स्तरातील महिलांचा यावेळी पुष्पगुच्छ देऊन गौरव करण्यात आला. या कार्यक्रमाचे विशेष आकर्षण म्हणजे दिव्यांग मुला-मुलींना सन्मानपूर्वक आमंत्रित करून त्यांचे कौतुक करण्यात आले. छोटेखानी पण अत्यंत हृद्य अशा स्वागत आणि सन्मान सोहळ्याने उपस्थित महिलांच्या चेहऱ्यावर समाधान आणि आनंदाची झलक दिसून आली. महिला दिनानिमित्त खोपोली पोलीस स्टेशनचा प्रभारी अधिकारी म्हणून पोलीस उपनिरीक्षक पूजा चव्हाण यांच्याकडे प्रतीकात्मक चार्ज सोपविण्यात आला आणि पोलीस स्टेशनमधील सर्व महत्त्वाच्या जबाबदाऱ्या महिला कर्मचाऱ्यांनी समर्थपणे सांभाळल्या. यासोबतच उपस्थित महिलांसाठी स्नेहभोजनाचे आयोजन देखील करण्यात आले होते. यावेळी पोलीस निरीक्षक सचिन हिरे यांनी सांगितले की, नारी शक्ती ...

  खालापूर/प्रविण कोल्हे : - खालापूर पोलीस ठाणे हद्दीत घडलेल्या टॉवर बॅटरी चोरीच्या प्रकरणाचा स्थानिक गुन्हे अन्वेषण विभागाने (एलसीबी) यशस्वी उलगडा करत तीन आरोपींना अटक केली आहे. या कारवाईदरम्यान पोलिसांनी चोरीसाठी वापरण्यात आलेला सुमारे ७ लाख रुपये किंमतीचा टाटा कंपनीचा टेम्पो जप्त केला आहे. खालापूर पोलीस ठाण्यात गुन्हा रजिस्टर क्रमांक ५८/२०२६ आणि ८२/२०२६ असे दोन गुन्हे भारतीय न्याय संहिता (BNS) २०२३ च्या कलम ३०३(२) अंतर्गत दाखल करण्यात आले होते. या गुन्ह्यांचा तपास सुरू असताना पोलिसांनी घटनास्थळ तसेच परिसरातील सीसीटीव्ही फुटेजची बारकाईने पाहणी केली. सीसीटीव्ही फुटेजमध्ये संशयास्पद वाहनाची हालचाल आढळून आल्याने त्या वाहनाचा माग काढण्यात आला. पुढील तपासात गोपनीय बातमीदारांच्या मदतीने संशयितांचा शोध घेऊन तीन जणांना ताब्यात घेण्यात आले. अटक करण्यात आलेल्या आरोपींची नावे अविनाश मनोहर चव्हाण (वय २६, रा. गायकवाड पाडा, उल्हासनगर, ठाणे), रोहित मनोहर चव्हाण (वय २५, रा. गायकवाड पाडा, उल्हासनगर, ठाणे) आणि विजय सुरेश चव्हाण (वय २६, रा. साबाई नगर, ता. खालापूर) अशी आहेत. या तिघांकडून खालापूर पोली...

    खालापुर कर्जत/सुधीर देशमुख :- शिरवणे गावात मावळा संघटनेच्या वतीने शिवजयंती उत्सव पर्व ७ मोठ्या उत्साहात आणि दिमाखात साजरा करण्यात आला. दरवर्षीप्रमाणे यंदाही छत्रपती शिवाजी महाराजांच्या जयंतीनिमित्त विविध सामाजिक व सांस्कृतिक कार्यक्रमांचे आयोजन करण्यात आले होते. या विशेष सोहळ्यासाठी अखंड संघर्ष प्रतिष्ठान, ग्रामस्थ मंडळ, महिला मंडळ तसेच मुंबई मंडळ यांचे मोलाचे सहकार्य लाभले. यंदाच्या उत्सवातील प्रमुख आकर्षण ठरली ती संघटनेने आयोजित केलेली वक्तृत्व स्पर्धा या स्पर्धेमुळे कार्यक्रमाला वैचारिक अधिष्ठान लाभले. लहानांपासून मोठ्यांपर्यंत अनेक स्पर्धकांनी छत्रपती शिवाजी महाराजांच्या जीवनकार्यावर प्रभावी विचार मांडले. त्यांच्या ओजस्वी भाषणांनी उपस्थितांची मने जिंकली आणि कार्यक्रमाला विशेष रंगत आली. संपूर्ण उत्सव अत्यंत शिस्तबद्ध आणि नियोजनबद्ध पद्धतीने पार पडला. कार्यक्रमाचे उत्तम नियोजन आणि व्यवस्थापन पाहून उपस्थित नागरिकांनी मावळा संघटनेच्या कार्यकर्त्यांचे विशेष कौतुक केले. शिवजयंती उत्सव केवळ जल्लोषापुरता मर्यादित न राहता तो विचारांचा वारसा पुढे नेणारा ठरावा, हा संघटनेचा हेतू ...

  खालापूर / सुधीर माने :- खोपोली शहरातील महाराष्ट्र बँकेच्या मागे असलेल्या कमलाबेन हॉलमध्ये ६ मार्च ते १५ मार्च २०२६ या कालावधीत प्लास्टिक व स्टील वस्तूंचा महाधडाका सेल आयोजित करण्यात आला आहे. या सेलमध्ये विविध घरगुती उपयोगाच्या प्लास्टिक व स्टीलच्या वस्तू अवघ्या १०० रुपयांत उपलब्ध करून देण्यात येणार आहेत. या सेलचे आयोजक प्रकाश बिषणौई यांनी माहिती देताना सांगितले की, अशा प्रकारचे सेल आम्ही महाराष्ट्रातील विविध तालुक्यांमध्ये—उरण, पेण,वाशी, मुंबई आदी ठिकाणी नियमितपणे आयोजित करत असतो. खोपोली येथील नागरिकांसाठीही हा विशेष सेल ६ मार्चपासून सुरू करण्यात आला असून तो १५ मार्चपर्यंत सुरू राहणार आहे. दररोज सकाळी १० ते रात्री १० या वेळेत हा सेल नागरिकांसाठी खुला राहणार आहे. विशेषतः गरीब व गरजू नागरिकांना कमी किमतीत चांगल्या दर्जाच्या वस्तू मिळाव्यात, या उद्देशाने हा उपक्रम राबवण्यात आला असल्याचे आयोजकांनी सांगितले. नागरिकांनी या महासेलला भेट देऊन खात्रीशीर व उपयोगी वस्तू केवळ १०० रुपयांत खरेदी करण्याची संधी साधावी, असे आवाहनही आयोजकांकडून करण्यात आले आहे.

  अलिबाग /प्रतिनिधी : आंतरराष्ट्रीय महिला दिनानिमित्त चौल–रेवदंडा परिसरातील महिला व मुलींसाठी एक भव्य आणि उत्साहवर्धक कार्यक्रम आयोजित करण्यात आला असून “महिला दिन महोत्सव २०२६ – पर्व २” हा विशेष कार्यक्रम रविवार, ८ मार्च रोजी सायंकाळी ६.३० वाजता रेवदंडा येथील एस.आर.टी. हायस्कूल ग्राउंडवर पार पडणार आहे. महिलांच्या कर्तृत्वाचा गौरव, त्यांच्या आत्मविश्वासाला नवी उभारी आणि कला-संस्कृतीचा संगम घडवून आणणारा हा कार्यक्रम परिसरात आकर्षणाचा केंद्रबिंदू ठरणार आहे.  शोसाठी आकर्षक दागिन्यांची सजावट कलाधरा ज्वेलरीतर्फे करण्यात येणार आहे. या महोत्सवातील प्रमुख आकर्षण म्हणजे रायगड जिल्ह्यातील ११ प्रसिद्ध मॉडेल्सचा मराठमोळा फॅशन शो. पारंपरिक मराठी संस्कृतीची झलक दाखवणारा हा फॅशन शो प्रथमच चौल-रेवदंडा परिसरात सादर होणार असल्याने नागरिकांमध्ये मोठी उत्सुकता निर्माण झाली आहे. या फॅशन शोचे दिग्दर्शन आंतरराष्ट्रीय कोरिओग्राफर जयेश पाटील करणार असून, मॉडेल्सचा हेअर आणि मेकअपची जबाबदारी युगाज सलोन, रेवदंडा पारनाका यांनी स्वीकारली आहे. तसेच फॅशन  कार्यक्रमात मनोरंजनाची रंगत वाढवण्यासाठी झी युवा फ...

  खोपोली /मानसी कांबळे :- धाकटी पंढरी म्हणून ओळखल्या जाणाऱ्या वैष्णवांची नगरी येथील तीर्थक्षेत्र श्री विठ्ठल-रुक्मिणी मंदिरात संत संत तुकाराम महाराज यांच्या वैकुंठगमन सोहळ्यानिमित्त सुरू असलेल्या अखंड हरिनाम सप्ताहात आज दीपोत्सव सोहळा मोठ्या भक्तिभाव आणि उत्साहात साजरा करण्यात आला. यावेळी मंदिर परिसर दिव्यांच्या प्रकाशाने उजळून निघाला होता. भाविकांनी मोठ्या संख्येने उपस्थित राहून विठ्ठलनामाचा गजर करत दीपोत्सवात सहभाग नोंदवला. संपूर्ण परिसरात भक्तिमय वातावरण निर्माण झाले होते.दीपोत्सवानिमित्त नगरसेवक हरीश काळे यांचा उपस्थित मान्यवरांच्या हस्ते सत्कार करून त्यांना सन्मानित करण्यात आले.  तसेच यावेळी प्रमुख पाहुणे खोपोली नगरपरिषदेचे नगराध्यक्ष कुलदीपकजी शेंडे, उपनगराध्यक्ष विक्रम साबळे,माजी नगराध्यक्ष तथा नगरसेवक नगराध्यक्ष सुनिल पाटील यांची उपस्थिती लाभली. नगराध्यक्ष कुलदीपक शेंडे यांनी दिपोत्सवा निमित्त वारकरी मंडळींना शुभेच्छा दिल्या व कमेटीचे कौतुक केले. यावेळी त्यांनी अखंड हरिनाम सप्ताहाच्या आयोजनाबद्दल समाधान व्यक्त करत अशा धार्मिक आणि सांस्कृतिक परंपरा जपण्याचे महत्त्व अधोर...

  विविध राष्ट्रीय कॅम्पमध्ये सहभागी होऊन उत्कृष्ट कामगिरी करणाऱ्या कॅडेट्सचा विशेष सन्मान खोपोली/खलील सुर्वे :- के. एम. सी कॉलेज खोपोली येथे एनसीसी डे मोठ्या उत्साहात साजरा करण्यात आला. कार्यक्रम सकाळी १०.३० ते १२.३० या वेळेत महाविद्यालयाच्या परिसरात पार पडला. कार्यक्रमाचे आयोजन प्राचार्य सूर्यवंशी सर यांच्या मार्गदर्शनाखाली तसेच एएनओ डॉ. कॅप्टन शीतल कृष्णा गायकवाड मॅडम यांच्या नेतृत्वाखाली करण्यात आले. या कार्यक्रमासाठी प्रमुख पाहुणे म्हणून के एम सी कॉलेजचे अध्यक्ष दिलीप पोरवाल, भास्करजी लांडगे साहेब संचालक के. टी. एस. पी मंडळ, उपविभागीय अधिकारी, कर्जत-रायगड,( प्रांत कार्यालय ) प्रकाश संकपाळ सर,खोपोली नगर परिषदेचे मुख्य अधिकारी (Co) डॉ. पंकज पाटील सर, एपीआय नितीन मोहिते, पूजा मॅडम, शिवानीताई जंगम, प्रिया मॅडम, उल्हासराव देशमुख, फॉरेस्टर दळवी तसेच नागरगोजे सर उपस्थित होते. याशिवाय महाविद्यालयातील सर्व प्राध्यापक व कर्मचारी वर्ग उपस्थित होते. तसेच विविध पत्रकार देखील कार्यक्रमासाठी उपस्थित राहिले. कार्यक्रमाच्या सुरुवातीला एनसीसी कॅडेट्सची शिस्तबद्ध परेड सादर करण्यात आली. त्यानंतर ...

  खालापुर कर्जत/सुधीर देशमुख :- ग्रुप ग्रामपंचायत चिंचवली अंतर्गत येणाऱ्या बार्डी गावातील पाणीटंचाईचा प्रश्न आता गंभीर बनला आहे. कर्जत तालुक्यातील या ग्रामपंचायतीच्या पाणी योजनेतून बार्डीला पाणीपुरवठा केला जात असला तरी मागील एक ते दीड वर्षांपासून तो पूर्णपणे अनियमित झाला असून ग्रामस्थ हैराण झाले आहेत.  चार-चार, पाच-पाच दिवसांनी नळांना पाणी येते. त्यातही पाण्याचा दाब अत्यंत कमी असल्याने एक हंडाभर पाणी भरण्यासाठी अर्धा ते पाऊण तास लागत आहे. महिलांना, ज्येष्ठ नागरिकांना व लहान मुलांना याचा मोठा फटका बसत आहे. दैनंदिन गरजांसाठी ग्रामस्थांना पर्यायी उपाय शोधावे लागत आहेत. ग्रामस्थांनी याबाबत अनेकवेळा ग्रामपंचायतीकडे लेखी अर्ज दिले असून ग्रामसभेतही विषय मांडला आहे. मात्र कोणतीही ठोस कार्यवाही झालेली नसल्याचा आरोप करण्यात येत आहे.  तसेच पंचायत समिती कर्जत येथील गटविकास अधिकाऱ्यांनाही लेखी निवेदने देऊन प्रत्यक्ष भेट घेण्यात आली, तरीही परिस्थितीत सुधारणा झालेली नाही. दरम्यान, बार्डी गावाकडे येणाऱ्या मुख्य जलवाहिनीवर अनेक अनधिकृत जलवाहिनी जोडून देण्यात आल्याची बाब समोर आली आहे. या ज...

  कर्जत/ नरेश जाधव :- माननीय महसूल मंत्री, महाराष्ट्र राज्य तसेच माननीय सहसचिव, महाराष्ट्र शासन यांच्या निर्देशानुसार राज्यभर राबविण्यात येत असलेल्या छत्रपती शिवाजी महाराज महाराजस्व समाधान शिबिर अभियान (टप्पा – १) संदर्भात सविस्तर माहिती देण्यासाठी कर्जत येथे पत्रकार परिषदेचे आयोजन करण्यात आले आहे. उपविभागीय अधिकारी कर्जत श्री. प्रकाश संकपाळ यांनी कर्जत व खालापूर तालुक्यातील सर्व पत्रकार बांधवांसाठी दिनांक ०५ मार्च २०२६ रोजी दुपारी १.०० वाजता पत्रकार परिषद आयोजित केली आहे. ही पत्रकार परिषद प्रशासकीय भवन, कर्जत येथील उपविभागीय अधिकारी कार्यालयात पार पडणार आहे. या परिषदेत अभियानाचे स्वरूप, नागरिकांना दिल्या जाणाऱ्या महसुली सेवा, अर्ज निपटारा प्रक्रिया तसेच अभियानातून अपेक्षित फलित याबाबत सविस्तर माहिती दिली जाणार आहे. विशेषतः महसुली दाखले, ७/१२ उतारे, नोंदी दुरुस्ती, विविध शासकीय योजनांबाबत मार्गदर्शन आदी सेवा एकाच छताखाली उपलब्ध करून देण्यावर भर राहणार असल्याचे प्रशासनाकडून सांगण्यात आले आहे. कर्जत व खालापूर तालुक्यातील सर्व पत्रकारांनी उपस्थित राहून माहिती घ्यावी, असे आवाहन उपविभ...

  * लुंबिनी (नेपाळ) येथे होणाऱ्या 12 व्या राष्ट्रीय - आंतरराष्ट्रीय परिषदेत होणार सन्मान खालापूर / मानसी कांबळे :- पत्रकारिता आणि सामाजिक कार्याच्या माध्यमातून सामाजिक समतेसाठी उल्लेखनीय योगदान दिल्याबद्दल खालापूर तालुक्यातील वनवे गावचे सुपुत्र, न्यूज जर्नालिस्ट असोसिएशनचे राष्ट्रीय कोषाध्यक्ष तथा महाराष्ट्र प्रदेशाध्यक्ष आणि साप्ताहिक खालापूर वार्ताचे मुख्य संपादक सुधीर गोविंद माने यांची ‘राजर्षी शाहू महाराज राष्ट्रीय / आंतरराष्ट्रीय पुरस्कार 2026’साठी निवड करण्यात आली आहे. 'भारतीय स्वयंसेवी संस्था महासंघ (इंडिया)’तर्फे आयोजित 12 व्या राष्ट्रीय व आंतरराष्ट्रीय परिषदेत त्यांना हा मानाचा पुरस्कार प्रदान करण्यात येणार आहे. * सामाजिक समता व भारत-नेपाळ सौहार्दाचा विषय :- "भारत आणि नेपाळमधील सामाजिक समता व सामाजिक सलोखा” या विषयावर आधारित ही परिषद भारतरत्न डॉं. बाबासाहेब आंबेडकर यांच्या विचारांच्या प्रकाशात आयोजित करण्यात आली आहे. प्रा. डॉं. गोरख जे. साठे यांच्या नेतृत्वाखाली भारतीय स्वयंसेवी संस्था महासंघ (इंडिया) तसेच अन्य 12 संस्थांच्या सहकार्याने या परिषदेचे आयोजन करण्यात आले आ...

  बाळगंगा प्रकल्पग्रस्तांचा एल्गार; 'सातबारा' परत मिळवण्यासाठी रायगडमध्ये बेमुदत उपोषण सुरू! रायगड /प्रतिनिधी :- ​ रायगड जिल्ह्यातील पेण तालुक्यात बाळगंगा धरणाच्या प्रलंबित प्रश्नावरून आता प्रकल्पग्रस्त शेतकरी आक्रमक झाले आहेत. तब्बल १६ वर्षे उलटूनही जमिनीचा ताबा आणि अधिकार न मिळाल्याने, शेतकर्‍यांनी आजपासून रायगडच्या उपविभागीय कार्यालयाबाहेर 'बाळगंगा जमीन हक्क सत्याग्रह' पुकारला आहे. "जमिनीचा सातबारा आमच्या नावावर करा", ही प्रमुख मागणी घेऊन शेतकरी बेमुदत उपोषणाला बसले आहेत. ​पेण तालुक्यातील बाळगंगा धरण प्रकल्पासाठी २०१० पासून जमिनी संपादित करण्यात आल्या. वाशिवली, वरसई, करोटी यांसारख्या ९ गावांतील आणि १३ आदिवासी वाड्यांमधील सुमारे ३८०० कुटुंबांवर यामुळे विस्थापनाची टांगती तलवार आली. एकूण १२४० हेक्टर जमीन शासनाने संपादित केली, मात्र अद्यापही प्रकल्पाचे काम पूर्ण झालेले नाही आणि शेतकर्‍यांना त्यांच्या जमिनीचा हक्कही मिळालेला नाही. ​ मुख्य मुद्दे: ​ २०१३ च्या कायद्याचा आधार: शेतकर्‍यांच्या मते, नवीन भू-संपादन कायदा २०१३ च्या कलम १०१ नुसार, जर संपादित जमीन ५ वर्षा...

  तब्ब्ल 13 तास उपवास ठेवत चिमुकलीने दाखवला  श्रद्धा आणि संयमाचा आदर्श.... देगलूर/जावेद अहमद :-  दि. १९ फेब्रुवारीपासून पवित्र Ramadan महिन्याला प्रारंभ झाला असून मुस्लिम बांधव या पवित्र महिन्यात रोजा (उपवास) ठेवून अल्लाहची उपासना करतात. आत्मशुद्धी, संयम, त्याग आणि दानधर्माचा संदेश देणारा हा महिना इस्लाम धर्मात अत्यंत महत्त्वाचा मानला जातो. अटकळी येथील रहिवाशी व सध्या Mumbai येथे वास्तव्यास असलेल्या शाहीन मोहम्मद रफी शेख या Brihanmumbai Municipal Corporation (बृहन्मुंबई महानगरपालिका) मध्ये स्टाफ नर्स पदावर कार्यरत आहेत. त्यांची ७ वर्षीय चिमुकली नायरा मोहम्मद रफी शेख हिने आपल्या आयुष्यातील पहिला रोजा यशस्वीरित्या पूर्ण करून सर्वांचे लक्ष वेधले आहे. तब्बल १३ तास अन्न व पाणी न घेता नायराने श्रद्धा, संयम आणि आत्मविश्वासाचे उत्तम उदाहरण घालून दिले. इतक्या लहान वयात पहिलाच रोजा पूर्ण केल्यामुळे तिचे सर्वत्र कौतुक होत आहे. रोजा पूर्ण झाल्यानंतर कुटुंबीयांनी तिचे अभिनंदन करून तिला प्रोत्साहन दिले. नातेवाईकांनीही तिच्या उज्ज्वल भविष्यासाठी शुभेच्छा दिल्या. नायराच्या या पहिल्या रोज...

  खालापूर कर्जत/सुधीर देशमुख – ऑनलाईन मोजणी अर्ज भरताना नागरिकांना येणाऱ्या तांत्रिक अडचणी लक्षात घेऊन उप अधीक्षक भूमी अभिलेख, खालापूर कार्यालय येथे विशेष मदत कक्ष स्थापन करण्यात आला आहे. याबाबत माहिती देताना उप अधीक्षक श्री. प्रमोद जरग यांनी सांगितले की, खालापूर येथे ई-मोजणी व्हर्जन 2 या प्रणालीद्वारे मोजणी अर्ज स्वीकारण्याची प्रक्रिया सुरू करण्यात आली आहे. मात्र, ऑनलाईन अर्ज भरताना अनेक नागरिकांना तांत्रिक अडचणींचा सामना करावा लागत आहे. मोजणी अर्जासोबत 7/12 उतारा किंवा मिळकत पत्रिका, बिनशेती मोजणीसाठी मंजूर रेखांकन आडाखडा, पोटहिस्सा मोजणीसाठी स्थानिक प्राधिकरणाकडून मंजूर रेखांकन, ओळखपत्र आदी कागदपत्रे पीडीएफ स्वरूपात अपलोड करणे आवश्यक आहे. तसेच ऑनलाईन भरलेला अर्ज व चलन जनरेट करून ते अपलोड करण्याची प्रक्रिया अनेकांना क्लिष्ट वाटत आहे. या पार्श्वभूमीवर नागरिकांना तातडीने आणि सुलभ सहकार्य मिळावे, यासाठी कार्यालयात विशेष मदत कक्ष सुरू करण्यात आला असून, मोजणी अर्जाची संपूर्ण प्रक्रिया पूर्ण करण्यासाठी येथे मार्गदर्शन व सहाय्य उपलब्ध करून देण्यात येणार आहे.