पत्रकार मानसी कांबळे यांची डीके फाउंडेशन ऑफ फ्रीडम अँड जस्टिस संघटनेच्या रायगड जिल्हा माहिती सचिवपदी नियुक्ती

 

रायगड / प्रतिनिधी :- खोपोली येथील पत्रकार तथा माय कोकण न्यूज 24 च्या संपादिका, न्यूज जर्नालिस्ट असोसिएशन राष्ट्रीय महासचिव मानसी गणेश कांबळे यांची मानवी हक्क, अधिकार व मुल्यांसाठी लढणाऱ्या राष्ट्रीय व आंतरराष्ट्रीय संघटना डीके फाउंडेशन ऑफ फ्रीडम अँड जस्टिस संघटनेच्या रायगड जिल्हा माहिती सचिवपदी नियुक्ती करण्यात आली. 

महाराष्ट्र राज्य उपमुख्य पर्यवेक्षक फिरोज पिंजारी यांच्या शिफारशीनुसार डीके फाउंडेशन ऑफ फ्रीडम अँड जस्टिस संघटनेचे डायरेक्टर दानिश खान यांनी सदर नियुक्ती केली असून पत्रकार मानसी कांबळे यांच्यावर रायगड जिल्ह्यात संघटन बांधणी व संघटनेच्या प्रचार, प्रसाराची जबाबदारी देण्यात आली आहे. संचालक मंडळाच्या सूचनांनुसार रायगड जिल्ह्यांमधील रिक्त पदे भरण्यासह संस्थेच्या नियमांनुसार त्या सर्व काम करतील आणि जिल्ह्यातील संपूर्ण टीमचे पर्यवेक्षण करतील, असे नियुक्ती करतांना डायरेक्टर दानिश खान यांनी सांगितले. 

दरम्यान, नवनियुक्त रायगड जिल्हा माहिती सचिव मानसी कांबळे म्हणाल्या की, डीके फाउंडेशन ऑफ फ्रीडम अँड जस्टिस संघटनेच्या तत्वानुसार मी रायगड जिल्ह्यात संघटनेची बांधणी व प्रचार, प्रसार करेल. तसेच संघटनेने माझ्यावर टाकलेली जबाबदारी मी पूर्ण कसोशीने पूर्ण करण्यासाठी प्रयत्नशील राहिल, असेही कांबळे म्हणाल्या. या निवडीबद्दल सर्व स्तरातून रायगड जिल्हा माहिती सचिव मानसी कांबळे यांच्यावर अभिनंदनाचा वर्षाव होत आहे.