प्रदूषण नियंत्रण कार्यालयासमोर बंडखोर सेना पक्षा तर्फे जोरदार निदर्शने

 

 कोल्हापुर प्रतिनिधी/ किशोर जासुद :- कुपवाड औद्योगिक वसाहतीतील केमिकल कंपन्यांवर कारवाईच्या मागणीसाठी बंडखोर सेना पक्षातर्फे प्रदूषण नियंत्रण मंडळाच्या कार्यालयासमोर जोरदार निदर्शने करण्यात आली.यावेळी आंदोलकांनी जोरदार घोषणाबाजी करून संबंधितांवर कारवाई करावी अन्यथा २७ मेपासून बेमुदत धरणे आंदोलन करण्याचा इशारा दिला आहे.

कुपवाड एमआयडीसीतील बेकायदेशीर केमिकल इंडस्ट्रीजमधून सोडण्यात येणाऱ्या विषारी पाण्यामुळे सावळी,बामणोळी,काननवाडी, मिरज, कुपवाड गावांतील जमिनी खराब होत आहेत नागरिकांचे आरोग्य धोक्यात आले आहे.यामुळे या केमिकल इंडस्ट्रीज कंपन्यांचे परवाने रद्द करावेत,अशी मागणी केली. प्रदूषण नियंत्रण मंडळाचे क्षेत्रीय अधिकारी संजीव रेदासनी यांना निवेदन देण्यात आले.यावेळी प्रदेश उपाध्यक्ष नीलेश मोहिते,कोल्हापूर जिल्हा अध्यक्ष विजय लोखंडे,हातकणंगले तालुका अध्यक्ष सुरेश आवळे,हातकणंगले तालुका युवक अध्यक्ष अभिषेक भंडारे,अजय साळवे,राहुल देडे, नारायन गाडे,सुशीला जाधव,गौतम कांबळे यांच्यासह कार्यकर्ते सहभागी झाले होते.